Riskli vergi ödəyiciləri

Vergi ödəyicisi hansı hallarda riskli vergi ödəyicisi hesab edilir? 

Əslində bu sualın cavabı kifayət qədər uzundur, lakin biz sizə bir neçə nümunə ilə ilkin məlumatları verməyə çalışacağıq.

Hal-hazırda vergi ödəyicisinin riskli vergi ödəyicisi olub-olmaması haqqında məlumat kommersiya sirri hesab edilmir.

- Təqdim etdiyiniz elektron qaimə-fakturalarda aldığınız/idxal etdiyiniz mal çeşidlərindən fərqli mal çeşidlərinin göstərildiyi aşkar edildikdə siz riskli vergi ödəyicisi hesab edilirsiniz. 

Məsələn, idxal etdiyiniz mal Yük Gömrük Bəyannaməsinə əsasən tikinti materialıdırsa, satdığınız mal isə e-qaiməyə əsasən mebel və ya maşındırsa, o halda riskli vergi ödəyicisi hesab olunacaqsınız.

- Aldığınız və ya idxal etdiyiniz malların həcmindən artıq həcmdə mallar təqdim etdiyinizdə siz riskli vergi ödəyicisi olursunuz. 

Məsələn, e-qaimə və ya Yük Gömrük Bəyannaməsi ilə 1.000 manatlıq mal əldə etmiş, lakin eyni dövrdə e-qaiməyə əsasən 10.000 manatlıq satış etmisiniz. Bu halda da siz riskli vergi ödəyicisi sayılacaqsınız.